Украинадаги низонинг яқин олти ой ичида қай тарзда ривожланиши бўйича беш хил эҳтимолий сценарий мавжуд, бу ҳақда The Guardian нашри журналисти Дэн Саббаг маълум қилди, деб ёзади «Известия».
Унинг сўзларига кўра, биринчи сценарий бўйича низо яна бир йилга чўзилади, аммо ҳозиргидек интенсив бўлмайди. Иккинчи сценарий юз берган тақдирда, Украинада самарали ҳужум учун воситалар тугаб қолади.
Учинчи эҳтимолий вариантга мувофиқ, Россия олдинга қараб ёриб кираверади, аммо унинг мақсади аллақачон босиб олинган ҳудудларни ушлаб туришдан иборат бўлади.
«Салқинроқ об-ҳаво яқинлашгани сари, Россия, эҳтимол, ўзида бор нарсаларни мустаҳкамлашга эътиборини қаратади», — дея аниқлик киритди Саббаг.
Воқеалар ривожининг тўртинчи сценарийси қиш қочқинлар билан боғлиқ янги инқирозни тезлаштиришини кўзда тутади.
«Гуманитар ташкилотнинг бир вакили қишда янги миграция тўлқини юз беришини ва 2 миллионгача одам Польша билан чегарадан ўтиши мумкинлигини прогноз қилди», — деди журналист.
Бешинчи сценарийга мувофиқ, Ғарб Украинадаги воқеаларнинг кейинги ривожи бўйича қарор қабул қилиши керак бўлади, яъни у Украина ғолиб бўлишини хоҳлайдими ёки шунчаки қаршилик кўрсатиб туришини истайдими — ҳал қилиши керак, чунки бугунги кун ҳолатига Ғарб мамлакатлари Киевнинг эҳтиёжларини қопламаяпти.
22 август куни Россиянинг БМТ бўлинмасидаги доимий вакили Ғарб давлатлари томонидан қурол-яроғ етказиб берилиши натижасида Украинада низонинг чўзилиб кетиши жуда хавфли эканини маълум қилганди. Дипломат эслатишича, Ғарб ва Украина «сўнгги украиналик қолгунича жанг қилиш»га тайёр.
Июль охирида The National Interest учун тайёрланган мақолада экспертлар Стивен Саймон ва Жонатан Стивенсон Америка ҳукумати Украинани низони тугатишга оғдириши керак, деган фикрни билдирганди. Хусусан, АҚШ ва НАТО Украина томонига Ғарб Киевдан вазиятни дипломатия ёрдамида ҳал қилишни кутаётгани, акс ҳолда қурол-яроғ етказиш ва молиявий траншлар тўхтатилишини аниқ қилиб тушинтириши кераклиги таъкидланганди.
Изоҳ (0)