Калифорния иқлим ўзгаришига қарши курашиш ва зарарли моддалар чиқиндиларини камайтириш чора-тадбирлари доирасида 2035 йилдан бошлаб бензинли двигателлар билан ишлайдиган янги автомобилларни сотишни тақиқлайди. Бу ҳақда CNBC хабар бермоқда.
Тақиқ бундай автомобиль эгаларига таъсир қилмайди — улар барибир автомобилларини ҳайдаши, шунингдек, иккиламчи бозорда сотиши ва сотиб олиши мумкин бўлади.
Қарорда, шунингдек, гибрид автомобиллар, яъни ҳам электр моторли, ҳам ички ёнув двигателли автомобиллар сотувини 2035 йилга бориб сотилган барча автомобилларнинг 20 фоизигача камайтириш, шу билан бирга электр ёки водород билан ишлайдиган автомобиллар улушини 68 фоизгача ошириш кўзда тутилган.
Калифорния ҳаво ресурсларини муҳофаза қилиш кенгаши раҳбари Лиана Рендолфнинг фикрича, янги қонун 2040 йилга бориб енгил автомобиллар ва енгил юк машиналаридан чиқадиган зарарли чиқиндилар миқдорини 50 фоизга камайтиради.
Дунёнинг етакчи иқтисодлари билан таққосланадиган энг юқори ЯИМга эга бўлган, АҚШнинг энг кўп аҳолиси яшайдиган штатнинг ташаббуси бутун Америка автомобиль бозорига таъсир қилиши мумкин.
Бунга сабаб — камида 15 штат, жумладанб Нью-Йорк ва Пенсильвания ўтмишда ўз қоидаларини ишлаб чиқишда экологик тоза автомобиллар учун Калифорния стандартларидан фойдаланган.
Аввалроқ бир йилда Ўзбекистоннинг электромобиль импорти қандай ўзгаргани ҳақида хабар берилганди.
Изоҳ (0)