Portugaliyadagi qurg‘oqchilik don, olma va kartoshka hosilini 30 foizga qisqartirishi aytilmoqda. Bu haqda EastFruit xabar berdi
Pomidor va guruchni hisobga olmaganda, 2022-yilgi mavsumda Portugaliyada hosildorlik pasayishi uzoq davom etgan qurg‘oqchilik tufayli kutilganidan ham oshib ketdi.
Portugaliyaliklar meva-sabzavotlarning qimmat narxlariga tayyorgarlik ko‘rishiga to‘g‘ri kelmoqda.
Mamlakat Milliy statistika instituti (INE) ma’lumotlariga ko‘ra, olma hosili 15 foizga, nok hosili 30 foiz, shaftoli hosili 25 foiz, uzum hosili 10 foizga qisqarishi kutilmoqda.
Yuqori harorat mevalarni o‘sishdan to‘xtatdi, shuning uchun ularning o‘lchami odatdagidan ancha kam, bu lalmi bog‘larda ko‘proq namoyon bo‘lmoqda.
Sug‘oriladigan bog‘larda ham suv resurslari kam bo‘lganligi sabab, zarur chastota va resurslar bilan sug‘orish imkoni bo‘lmagan.
40 darajadan yuqori harorat har qanday hosil uchun jiddiz zarar. O‘simliklarni oftobdan saqlaydigan soyabon yo‘q. Shu bois, noklar qurib, uzumlar mayizga aylanib qoldi, limon daraxti mevalari esa to‘kilib tushdi. Sug‘orish borasidagi cheklov ham o‘z ta’sirini ko‘rsatmay qolmadi, vaholanki, odamlar suvsiz hayot yo‘qligini tushunishlari kerak edi.
Agar ekologlar va siyosatchilar qishloq xo‘jaligida suv iste’molini kamaytirish bo‘yicha qo‘shimcha chora-tadbirlarni amalga oshirsa, mening ularga bir savolim bor — ertaga nimani iste’mol qilmoqchisiz?!
Barcha oziq-ovqatni suv mavjud bo‘lgan boshqa mamlakatlardan import qilmoqchimisiz?, — deydi Portugaliya fermerlar konfederatsiya bosh kotibi Luis Mira.Avvalroq Jazirama sabab jahon bozorida paxta narxi keskin ko‘tarilgani haqida xabar berilgan edi
Izoh (0)