Jizzax viloyatining “Sangzor-15” YPX maskanida noma’lum hayvonga tegishli 250 kg go‘sht olib ketayotgan Nexia to‘xtatib qolindi. Bu haqda viloyat IIB matbuot xizmati xabar berdi.
Ma’lum qilinishicha, ushbu YPX maskanida Jizzax viloyati IIB JXX JTSB karantin tadbirlarini ta’minlash guruhi hamda viloyat veterinariya va chorvachilikni rivojlantirish boshqarmasi xodimlari tomonidan nazorat tadbiri olib borilgan.
Tadbir davomida Samarqand—Toshkent yo‘nalishida harakatlanayotgan Nexia to‘xtatilib tekshirilganda, A.Sh. boshqaruvidagi ushbu mashina yukxonasida noma’lum hayvonga tegishli 250 kilogramm go‘sht mahsuloti borligi aniqlangan.
Haydovchi hech qanday hujjat taqdim eta olmagani bois go‘sht mahsulotining iste’molga yaroqliligi aniqlangunga qadar vaqtincha muzxonaga joylashtirilgan. Go‘sht tashish qoidasini buzgan fuqaroga ma’muriy bayonnoma rasmiylashtirilgan.
Izoh (0)