Европа Чемпионлар Лигаси 2022/23 йилги мавсумининг барча иштирокчилари маълум бўлди. Бугун турнирга қуръа ташланади

Европа Чемпионлар Лигасининг 2022/23 йилги мавсуми гуруҳ босқичида иштирок этадиган барча жамоалар номи маълум бўлди.

23-24 август кунлари плей-оффнинг жавоб баҳсларидан кейин мусобақанинг ҳал қилувчи босқичига йўлланма олган олти жамоа номи маълум бўлди: «Бенфика», «Рейнжерс», «Виктория Плзен», «Копенгаген», «Динамо Загреб», «Маккаби Хайфа»

Мусобақага 25 август куни қуръа ташланади. Маросим Тошкент вақти билан 21:00 да бошланади.

Саватчалар билан танишинг:

Биринчи саватча: «Реал Мадрид» (Испания), «Айнтрахт», «Бавария» (иккиси Германия), «Манчестер Сити» (Англия), «Милан» (Италия), «ПСЖ» (Франция), «Порту» (Португалия), «Аякс» (Нидерландия);

Иккинчи саватча: «Ливерпуль», «Челси», «Тоттенҳэм» (барчаси Англия), «Барселона», «Атлетико», «Севилья» (барчаси Испания), «Ювентус» (Италия), «Лейпциг» (Германия);

Учинчи саватча: «Боруссия Д», «Байер» (иккиси Германия), «Зальцбург» (Австрия), «Шахтёр» (Украина), «Интер», «Наполи» (иккиси Италия), «Спортинг», «Бенфика» (иккиси Португалия).

Тўртинчи саватча: «Марсель» (Франция), «Брюгге» (Бельгия), «Селтик», «Рейнжерс» (иккиси Шотландия), «Виктория Плзен» (Чехия), «Копенгаген» (Дания), «Динамо Загреб» (Хорватия), «Маккаби Хайфа» (Исроил).

Қайд этиш керак, Россия ва Беларусь клублари мусобақадан четлатилган.