Server Jeparov “Lokomotiv” bosh murabbiyiga aylandi, deya xabar beradi “temiryo‘lchilar” matbuot xizmati.
Rahbariyat qaroriga ko‘ra 2008 va 2010-yilda Osiyoning ikki karra “Eng yaxshi futbolchisi” deb topilgan Server Jeparov “Lokomotiv” jamoasi bosh murabbiyi etib tayinlandi.
Ma’lumot uchun, Jeparov bungacha klub sport direktori vazifasini bajarib kelayotgandi. Unga murabbiylar shtabida Mirko Yelichich yaqindan yordam beradi.
Avvalroq, Toshkent jamoasi yarim yil davomida jamoani boshqarib kelgan Denis Korostichenko iste’foga chiqargani xabar qilingandi.
Eslatib o‘tamiz, Jeparov 2016-yilda futbolchi sifatida “temiryo‘lchilar” safida o‘ynagan.
Ma’lumot uchun Server futbolchilik faoliyati davomida O‘zbekistonning “Navbahor”, “Paxtakor”, “Bunyodkor”, “Lokomotiv”, “Metallurg”, Janubiy Koreyaning “Seul”, “Seongnam”, “Ulsan”, Saudiya Arabistonining “Ash-Shabab”, Eron chempionatining “Istiqlol”, “Sepaxon” va Qozog‘istonning “Jetisu” klublarida to‘p surgan.
Izoh (0)