Ijtimoiy tarmoqlarda turkiyalik turist ayol Buxoroning eski shahar qismida hojatxona izlab yurgani va restoran hojatxonasidan foydalanish uchun suv sotib olishga majbur bo‘lgani haqida xabar tarqaldi. Viloyat Turizm va madaniy meros boshqarmasi holatga munosabat bildirdi.
Qayd etilishicha, bugungi kunda sayyohlarga qulaylik yaratish maqsadida Buxoroning tarixiy qismida zamonaviy, ayollar va erkaklar hojatxonalari qurilgan.
Shu jumladan, turkiyalik sayyoh yurgan, Buxoro shahar Haqiqat ko‘chasida 2 ta hojatxona bor. Bu esa sayyoh yurgan yo‘ldan 70—80 metr narida degani. Sayyoh yurgan yo‘lning chap tarafida yo‘l ko‘rsatkichlari o‘rnatilgan va u yerdagi hojatxona ham ishlab turibdi (taxminan 160—180 metr).
Qolaversa, shu yerda Bukhara Silk Carpet markazi orqasida ayollar va erkaklar zamonaviy hojatxonalari mavjud. Ko‘rsatkichlar o‘rnatilgan. Bundan tashqari, sayyoh harakatlangan Haqiqat ko‘chasida “Tourist information center” (turistik informatsion markaz, bu yerda shaharning tarixiy qismidagi hojatxonalar joylashuvi haqida so‘rab olish mumkin). Uning ro‘parasida (50—60 metr) maxsus sayyohlar uchun tayyorlangan Tourist map (turistik xarita) o‘rnatilgan.
Shuningdek, Mehtar Ambar Bahouddin Naqshband ko‘chasi (Labi Hovuz majmuasi)da 2 ta zamonaviy, ayollar va erkaklar hojatxonasi bor.
“Qisqasi, sayyoh harakatlangan ko‘chaning ham o‘ng, ham chap tarafida zamonaviy hojatxonalar mavjud.
Qo‘shimcha qilib aytganda, sayyoh harakatlangan Buxoro shahridagi Haqiqat ko‘chasida joylashgan qator hunarmandchilik markazlari hunarmandlari yordam joiz bo‘lsa, kelgan sayyohga ko‘mak berishi shubhasizdir. Chunki barchaga ma’lumki, Buxoro ahli doimo mehmondo‘st, ochiq yuzli va beminnat yordam qo‘lini cho‘zadigan xalqdir”, — deyiladi xabarda.
Izoh (1)
Faqat gap Hojatxona haqida ketmagan 1l suvni 1dollar ga sotib olganligi ham sayyoh hafsalasini pir qilgan iltimos qilib qolar edim Samarqand, Buxoro ahliga tadbirkorlariga insof qiling narhlar rosttan ham osmonda hatto özimizga ham yani agar siz ushbu shaharlarga borsangiz sayyoh sifatida sizga narsalarni juda qimmat narxda sotishadi buni men Samarqandda kördim aytishlaricha Sotuvchilarga tojikcha gapirish kerak emish shunda ular narxga insof qilarkan tavba... Bazi bir kimsalarni deb kelgan sayyohlar fikri salbiy. Sayyohning quyidagi sözlariga etibor beringaa. "menga juda köp aytishdi siz Özbeklarga öxshaysiz deb, yöq men Özbeklarga öxshashni hoxlamayman" hulosa sizdan.