Ижтимоий тармоқларда туркиялик турист аёл Бухоронинг эски шаҳар қисмида ҳожатхона излаб юргани ва ресторан ҳожатхонасидан фойдаланиш учун сув сотиб олишга мажбур бўлгани ҳақида хабар тарқалди. Вилоят Туризм ва маданий мерос бошқармаси ҳолатга муносабат билдирди.
Қайд этилишича, бугунги кунда сайёҳларга қулайлик яратиш мақсадида Бухоронинг тарихий қисмида замонавий, аёллар ва эркаклар ҳожатхоналари қурилган.
Шу жумладан, туркиялик сайёҳ юрган, Бухоро шаҳар Ҳақиқат кўчасида 2 та ҳожатхона бор. Бу эса сайёҳ юрган йўлдан 70—80 метр нарида дегани. Сайёҳ юрган йўлнинг чап тарафида йўл кўрсаткичлари ўрнатилган ва у ердаги ҳожатхона ҳам ишлаб турибди (тахминан 160—180 метр).
Қолаверса, шу ерда Bukhara Silk Carpet маркази орқасида аёллар ва эркаклар замонавий ҳожатхоналари мавжуд. Кўрсаткичлар ўрнатилган. Бундан ташқари, сайёҳ ҳаракатланган Ҳақиқат кўчасида Tourist information center (туристик информацион марказ, бу ерда шаҳарнинг тарихий қисмидаги ҳожатхоналар жойлашуви ҳақида сўраб олиш мумкин). Унинг рўпарасида (50—60 метр) махсус сайёҳлар учун тайёрланган Tourist map (туристик харита) ўрнатилган.
Шунингдек, Меҳтар Амбар Баҳоуддин Нақшбанд кўчаси (Лаби Ҳовуз мажмуаси)да 2 та замонавий, аёллар ва эркаклар ҳожатхонаси бор.
«Қисқаси, сайёҳ ҳаракатланган кўчанинг ҳам ўнг, ҳам чап тарафида замонавий ҳожатхоналар мавжуд.
Қўшимча қилиб айтганда, сайёҳ ҳаракатланган Бухоро шаҳридаги Ҳақиқат кўчасида жойлашган қатор ҳунармандчилик марказлари ҳунармандлари ёрдам жоиз бўлса, келган сайёҳга кўмак бериши шубҳасиздир. Чунки барчага маълумки, Бухоро аҳли доимо меҳмондўст, очиқ юзли ва беминнат ёрдам қўлини чўзадиган халқдир», — дейилади хабарда.
Изоҳ (1)
Faqat gap Hojatxona haqida ketmagan 1l suvni 1dollar ga sotib olganligi ham sayyoh hafsalasini pir qilgan iltimos qilib qolar edim Samarqand, Buxoro ahliga tadbirkorlariga insof qiling narhlar rosttan ham osmonda hatto özimizga ham yani agar siz ushbu shaharlarga borsangiz sayyoh sifatida sizga narsalarni juda qimmat narxda sotishadi buni men Samarqandda kördim aytishlaricha Sotuvchilarga tojikcha gapirish kerak emish shunda ular narxga insof qilarkan tavba... Bazi bir kimsalarni deb kelgan sayyohlar fikri salbiy. Sayyohning quyidagi sözlariga etibor beringaa. "menga juda köp aytishdi siz Özbeklarga öxshaysiz deb, yöq men Özbeklarga öxshashni hoxlamayman" hulosa sizdan.