Shavkat Mirziyoyev “Buyuk mutafakkir va qomusiy olim Abu Rayhon Beruniy tavalludining 1050 yilligini xalqaro miqyosda keng nishonlash to‘g‘risida”gi qarorni imzoladi.
Prezident qaroriga ko‘ra:
- 2022–2023-yillarda Abu Rayhon Beruniy tavalludining 1050 yilligi YUNESKO shafeligida xalqaro miqyosda keng nishonlanadi;
- Qoraqalpog‘istonning Beruniy tumanida 2023-yil yakunigacha Abu Rayhon Beruniy majmuasi quriladi va uning hududida ilmiy-ma’rifiy, madaniy va dam olish hamda turizm obyektlari faoliyati tashkil qilinadi;
- umumiy o‘rta ta’lim tashkilotlari, akademik litseylar va kasb-hunar maktablari o‘quvchilari o‘rtasida Xorazm viloyatida tegishli fan bo‘yicha Abu Rayhon Beruniy nomidagi xalqaro fan olimpiadasi o‘tkaziladi;
- Abu Rayhon Beruniy nomidagi xalqaro mukofot ta’sis etiladi;
- Beruniy hayoti va merosini tadqiq etish bo‘yicha ilmiy-tadqiqot ishlariga davlat buyurtmasi talablariga muvofiq ilmiy loyihalar tanlovi e’lon qilinadi;
- Toshkent shahrida Abu Rayhon Beruniy tavalludining 1050 yilligiga bag‘ishlangan xalqaro anjuman o‘tkaziladi;
- 2022–2023-yillarda Abu Rayhon Beruniy hayoti va ilmiy-ma’rifiy faoliyatiga bag‘ishlangan badiiy, multiplikatsion va to‘liq metrajli hujjatli filmlar, ko‘p qismli teleserial yaratiladi va xorijiy mamlakatlarda namoyish qilinadi;
- Badiiy akademiya va “Hunarmand” uyushmasi 2022–2023-yillarda respublika bo‘ylab Abu Rayhon Beruniy hayoti va ilmiy-ma’rifiy faoliyatiga bag‘ishlangan tasviriy san’at asarlari, miniatyuralar, xalq amaliy san’ati namunalari hamda fotosuratlar ko‘rgazmalarini tashkil etadi.
Izoh (0)