Ijtimoiy tarmoqlarda Qarshi shahri Yakkabog‘ ko‘chasida 24 tup daraxt kesib tashlangani haqida xabar e’lon qilindi. Qashqadaryo viloyati ekologiya boshqarmasi holat yuzasidan ma’lumot berdi.
Qayd etilishicha, ushbu holat Qarshi shahri “Alisher Navoiy” MFY Gulmachit ko‘chasida yashovchi fuqaro O.V. tomonidan sodir etilgan. Fuqaro noqonuniy ravishda hech qanday ruxsat olmasdan, o‘zboshimchalik bilan 22 dona Eldor qarag‘ayi hamda 2 dona terak daraxtini kesgan.
Holat yuzasidan fuqaroga nisbatan Ma’muriy javobgarlik to‘g‘risidagi kodeksning 79-moddasi 1-qismi (o‘simlik dunyosi obyektlarini yig‘ish, tayyorlash va ulardan foydalanish tartibi hamda shartlarini buzish) bilan ma’muriy bayonnoma rasmiylashtirilib, 3 million jarima qo‘llanildi. Tabiatga yetkazilgan zarar miqdori 156 million so‘m hisoblanib, huquqni muhofaza qilish organlariga o‘tkazish uchun hujjatlar rasmiylashtirildi.
Izoh (0)