Ижтимоий тармоқларда Қарши шаҳри Яккабоғ кўчасида 24 туп дарахт кесиб ташлангани ҳақида хабар эълон қилинди. Қашқадарё вилояти экология бошқармаси ҳолат юзасидан маълумот берди.
Қайд этилишича, ушбу ҳолат Қарши шаҳри «Алишер Навоий» МФЙ Гулмачит кўчасида яшовчи фуқаро О.V. томонидан содир этилган. Фуқаро ноқонуний равишда ҳеч қандай рухсат олмасдан, ўзбошимчалик билан 22 дона Элдор қарағайи ҳамда 2 дона терак дарахтини кесган.
Ҳолат юзасидан фуқарога нисбатан Маъмурий жавобгарлик тўғрисидаги кодекснинг 79-моддаси 1-қисми (ўсимлик дунёси объектларини йиғиш, тайёрлаш ва улардан фойдаланиш тартиби ҳамда шартларини бузиш) билан маъмурий баённома расмийлаштирилиб, 3 миллион жарима қўлланилди. Табиатга етказилган зарар миқдори 156 миллион сўм ҳисобланиб, ҳуқуқни муҳофаза қилиш органларига ўтказиш учун ҳужжатлар расмийлаштирилди.
Изоҳ (0)