Ijtimoiy tarmoqlarda Yangi Namangan tumani Parvina ko‘chasidagi tikuv fabrikasida yong‘in chiqqani haqida xabarlar tarqalgandi. Viloyat favqulodda vaziyatlar boshqarmasi holat yuzasidan rasmiy munosabat bildirdi.
Qayd etilishicha, yong‘in haqida favqulodda vaziyatlar boshqarmasi hamda shahar bo‘limiga xabar kelib tushmagan. Lekin ijtimoiy tarmoqda tarqalgan xabarga asosan Namangan shahri favqulodda vaziyatlar bo‘limi xodimi tomonidan joyiga chiqib o‘rganilganda “Mingchinor” mahalla fuqarolar yig‘ini hududida joylashgan xususiy tadbirkorning qorovuli tomonidan chiqindilar yoqilgani aniqlandi.
“Hurmatli fuqarolar, aholi yashash xonadoningiz va ish joyingizda chiqindilarni yoqmang va yong‘in xavfsizligi qoidalariga qat’iy rioya qiling”, — deyiladi munosabatda.
Izoh (0)