Shavkat Mirziyoyev farmoni bilan Odil Abdurahmonov prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi lavozimiga tayinlandi.
Qayd etilishicha, u bungacha Toshkent davlat transport universiteti rektori lavozimini egallab kelayotgan edi.
Odil Abdurahmonov 1978-yilda tug‘ilgan. Ilgari u prezident ma’muriyatida bosh maslahatchi bo‘lib ishlagan. U o‘z vaqtida Respublika bandlikka ko‘maklashish, mehnatni muhofaza qilish va aholini ijtimoiy muhofaza qilish ilmiy markaziga ham rahbarlik qilgan.
2018-yil 31-iyuldan buyon Oliy va o‘rta maxsus ta’lim vazirining birinchi o‘rinbosari lavozimini egallagan.
Avvalroq Shavkat Mirziyoyevning 65 yoshli maslahatchisi Abdujabbor Abduvohidov lavozimidan ozod etilgani haqida xabar berilgan edi. Prezident administratsiyasi rahbari Sardor Umurzoqov o‘tkazgan yig‘ilishda aholining juda ko‘p e’tirozlari aynan Abduvohidov mas’ul bo‘lgan sohalarga to‘g‘ri kelishi aytilgan.
Izoh (0)