Andijon, Namangan viloyati tarixi va madaniyati davlat muzeylarida jami 54 million 700 ming so‘m, Termiz davlat muzey-qo‘riqxonasida 3 milliard 467 million so‘mga yaqin zarar qiymati aniqlandi. Bu haqda Madaniy meros agentligi xabar qildi.
Qayd etilishicha, Madaniy merosni himoya qilish inspeksiyasi boshchiligida ishchi guruh joriy yilning iyun—iyul oylari Andijon, Namangan viloyati tarixi va madaniyati davlat muzeylarida hamda Termiz davlat muzey qo‘riqxonasida saqlanayotgan noyob ashyolari xatlovdan o‘tkazilgan hamda ularning saqlanishi va xavfsizlik holati o‘rganilgan.
O‘rganishda Andijon viloyati tarixi va madaniyati davlat muzeyida jami 4 dona, Namangan viloyati tarixi va madaniyati davlat muzeyida jami 9 dona ashyolar muzeyning Kirim va Inventar kitoblari hamda ilmiy pasportlarining tavsifnomalariga, o‘lchami, ishlanish uslubiva yaratilgan davri bo‘yicha mos kelmasligi aniqlangan.
Shuningdek, Termiz davlat muzey qo‘riqxonasida ham o‘rganishlar olib borilgan va jami 24 dona ashyolar muzeyning Kirim va Inventar kitoblari hamda ilmiy pasportlarining tavsifnomalariga, o‘lchami, ishlanish uslubi va yaratilgan davri bo‘yicha mos kelmasligi, 58 nomdagi ashyolar muzey fondida yo‘qligi ma’lum bo‘lgan.
Madaniy meros agentligining 2022-yil 19-avgustdagi san’atshunoslik eksperti xulosalariga ko‘ra, Andijon viloyati tarixi va madaniyati davlat muzeyida aniqlangan zarar qiymati 31 million so‘mni, Namangan viloyati tarixi va madaniyati davlat muzeyida 23 million 700 ming so‘mni, Termiz davlat muzey qo‘riqxonasida 3 milliard 466 million 800 ming so‘mni tashkil qiladi.
Mavzuga doir:
Izoh (0)