Andijon, Namangan viloyati tarixi va madaniyati davlat muzeylarda jami 54 million 700 ming so‘m, Termiz davlat muzey-qo‘riqxonasida 3 milliard 467 million so‘mga yaqin zarar aniqlandi, deb xabar bermoqda Madaniy meros agentligi.
Ma’lum qilinishicha, bosh vazir o‘rinbosari Aziz Abduhakimov topshirig‘iga muvofiq Vazirlar Mahkamasining Madaniy merosni himoya qilish inspeksiyasi boshchiligida ishchi guruh 2022-yilning iyun—iyul oylari Andijon, Namangan viloyati tarixi va madaniyati davlat muzeylarida hamda Termiz davlat muzey qo‘riqxonasida saqlanayotgan noyob ashyolari xatlovdan o‘tkazdi hamda ularning saqlanishi va havfsizlik holati o‘rgandi.
O‘rganishda ishchi guruh tomonidan Andijon viloyati tarixi va madaniyati davlat muzeyida jami 4 dona, Namangan viloyati tarixi va madaniyati davlat muzeyida jami 9 dona ashyolar muzeyning Kirim va Inventar kitoblari hamda ilmiy pasportlarining tavsifnomalariga, o‘lchami, ishlanish uslubi va yaratilgan davri bo‘yicha mos kelmasligi aniqlangan.
Shuningdek, Termiz davlat muzey-qo‘riqxonasida ham o‘rganishlar olib borildi va jami 24 dona ashyolar muzeyning kirim va inventar kitoblari hamda ilmiy pasportlarining tavsifnomalariga, o‘lchami, ishlanish uslubi va yaratilgan davri bo‘yicha mos kelmasligi, 58 nomdagi ashyolar muzey fondida yo‘qligi ma’lum bo‘ldi.
Madaniy meros agentligining 19-avgustdagi San’atshunoslik eksperti xulosalariga ko‘ra Andijon viloyati tarixi va madaniyati davlat muzeyida aniqlangan zarar qiymati 31 million so‘mni, Namangan viloyati tarixi va madaniyati davlat muzeyida 23 million 700 ming so‘mni, Termiz davlat muzey qo‘riqxonasida 3 milliard 466 million 800 ming so‘mni tashkil qiladi.
Izoh (0)