Мажбурий ижро бюросининг Ангрен шаҳар бўлими иш юритувида фуқаролик ишлари бўйича Оҳангарон туманлараро судининг ижро варақаларига асосан, қарздор «У.Э.» масъулияти чекланган жамиятидан, ундирувчи давлат фойдасига давлат божи ва мазкур корхонанинг ишчи ходимлари фойдасига иш ҳақи ундириш тўғрисидаги ижро ҳужжати келиб тушган.
Мазкур ижро ҳужжатларини ижросини таъминлаш мақсадида бўлим давлат ижрочилари томонидан қарздор корхонанинг банкдаги барча ҳисоб рақамларига ўрнатилган тартибда банд солиш тўғрисида қарор қабул қилиниб, «МИБ портал» дастури орқали инкассо топшириқномаси банкка юборилган ҳолда қарздорнинг барча рақамларига банд солинган.
Олиб борилган ижро ҳаракатлари давомида қарздор МЧЖдан 300 миллион сўм бюронинг Ангрен шаҳар бўлими депозит ҳисоб рақамига ундирилган.
Натижада «Суд ҳужжатлари ва бошқа органлар қарорларини ижро этиш тўғрисида»ги Қонуннинг 80-моддасига кўра, давлат божи ва ишчи ходимлар иш ҳақларига ўтказиб берилиши таъминланди.
Изоҳ (0)