Qozog‘iston prezidenti Qosim-Jo‘mart To‘qayev Ozarbayjon rahbari Ilhom Aliyevni “Oltin burgut” (“Altin Qiran”) ordeni bilan mukofotlash to‘g‘risidagi farmonni imzoladi, deb xabar bermoqda Tengrinews.
Ilhom Aliyev Qozog‘iston respublikasi va Ozarbayjon respublikasi o‘rtasidagi ikki tomonlama siyosiy, iqtisodiy va madaniy aloqalarni mustahkamlash hamda rivojlantirishga qo‘shgan alohida hissasi uchun mukofotlangan.
“Oltin burgut” ordeni Qozog‘iston respublikasining eng yuqori darajadagi nishoni. Bu orden fuqarolarga Qozog‘iston oldidagi davlat xizmatlari uchun beriladi.
Hozir To‘qayev rasmiy tashrif bilan Ozarbayjonda bo‘lib turibdi. Tashrif doirasida Qozog‘iston—Ozarbayjon o‘rtasida qator shartnomalar imzolanishi rejalashtirilgan.
Izoh (0)