Қозоғистон президенти Қосим-Жўмарт Тўқаев Озарбайжон раҳбари Илҳом Алиевни «Олтин бургут» («Алтин Қиран») ордени билан мукофотлаш тўғрисидаги фармонни имзолади, деб хабар бермоқда Tengrinews.
Илҳом Алиев Қозоғистон республикаси ва Озарбайжон республикаси ўртасидаги икки томонлама сиёсий, иқтисодий ва маданий алоқаларни мустаҳкамлаш ҳамда ривожлантиришга қўшган алоҳида ҳиссаси учун мукофотланган.
«Олтин бургут» ордени Қозоғистон республикасининг энг юқори даражадаги нишони. Бу орден фуқароларга Қозоғистон олдидаги давлат хизматлари учун берилади.
Ҳозир Тўқаев расмий ташриф билан Озарбайжонда бўлиб турибди. Ташриф доирасида Қозоғистон—Озарбайжон ўртасида қатор шартномалар имзоланиши режалаштирилган.
Изоҳ (0)