Xitoy Beijing-3B optik masofadan zondlash sun’iy yo‘ldoshini quyosh bilan sinxron Yer orbitasiga muvaffaqiyatli olib chiqdi. Bu haqda Xitoy aerokosmik fan va texnologiya korporatsiyasiga (CASC) tayanib, “Interfaks” xabar berdi.
CASC ma’lumotlariga ko‘ra, apparat suratga olish vaqtida yuqori manyovr va barqarorlikni saqlagan holda yuqori aniqlikdagi tasvirlarni yaratish imkonini beruvchi texnologiya bilan jihozlangan. Tasvirlardan yer resurslarini boshqarish, qishloq xo‘jaligi va atrof-muhit monitoringida foydalanish rejalashtirilgan.
Korporatsiya hisobotida ta’kidlanishicha, sun’iy yo‘ldosh Beijing orbital guruhidagi boshqa apparatlarning yuqori sifatli ma’lumotlarni yig‘ish va razvedka xizmatlarini taqdim etish ishlarini to‘ldiradi.
Izoh (0)