Rossiyaga ishonch yo‘qoldi, u mamlakat bilan eski munosabatlarni tiklash uchun boshqa sabablar yo‘q, deb hisoblaydi Finlyandiya prezidenti Sauli Niinistyo. Bu haqda “Kommersant” xabar bermoqda.
Hozirgi sharoitda Finlyandiya va Rossiya o‘rtasidagi avvalgi munosabatlardan kam narsa qolgan. Ishonch yo‘qoldi. Yangi boshlanish uchun esa umumiy asos yo‘q”, — degan Finlyandiya prezidenti xorijiy missiyalar rahbarlari konferensiyasida.
Shuningdek, u mamlakatda ko‘plab ruslar istiqomat qilishini ta’kidlagan.
Shu sababdan ham, qiyin vaziyatga qaramay, Rossiya bilan barcha aloqalarni uzib bo‘lmaydi. Muhokama uchun vositalar saqlanishi kerak”, — deya qo‘shimcha qilgan Niinistyo.Prezidentning so‘zlariga ko‘ra, Finlyandiya Ukrainani “qancha vaqt kerak bo‘lsa” shuncha qo‘llab-quvvatlaydi.
22-avgust kuni Finlyandiya rahbarining idorasi prezidentning Ukraina rahbari Vladimir Zelenskiy tashabbusi bilan tashkil etilgan Qrim platformasi sammitida ishtirok etishini e’lon qildi. Sammitdan maqsad esa Qrimni Ukrainaga qaytarish masalasini muhokama qilishdir.
Rossiya va Finlyandiya o‘rtasidagi munosabatlar Finlyandiya NATOga a’zo bo‘lish rejasini e’lon qilganidan keyin yomonlashgan. Rossiya prezidenti Vladimir Putinning aytishicha, ittifoqqa a’zolik “ikki tomonlama munosabatlarga salbiy ta’sir qiladi”.
Mavzuga doir: Finlyandiya sentabrdan boshlab rossiyaliklarga beriladigan turistik vizalar sonini sezilarli darajada qisqartiradi
Izoh (0)