Toshkent shahri Yunusobod tumanida 24-avgust kuni uchta transport vositasi ishtirokida yo‘l-transport hodisasi sodir bo‘ldi. Bu haqda shahar Yo‘l harakati xavfsizligi boshqarmasi xabar qildi.
Qayd etilishicha, shu kuni soat 17:00 larda Yunusobod tumani THAY ko‘chasida T.Sh. (1978-yilda tug‘ilgan) boshqaruvidagi SAZ LE60 yo‘lovchi tashuvchi avtobus, U.R. (1981-yilda tug‘ilgan) boshqaruvidagi Damas va M.R. (1988-yilda tug‘ilgan) boshqaruvidagi Matiz transport vositalari ishtirokida to‘qnashgan.
YTH oqibatida Matiz haydovchisi, Damas yo‘lovchisi va avtobusning ikki nafar yo‘lovchisi tan jarohati olib, shifoxona olib borilgan.
Holat yuzasidan Toshkent shahar Yo‘l harakati xavfsizligi boshqarmasi tomonidan tergovga qadar tekshiruv o‘tkazilmoqda.
Izoh (0)