Xorijiy davlatlardagi 36 nafar faol o‘zbekistonlik “Xalqlar do‘stligi” ko‘krak nishoni bilan taqdirlandi

AOKAda o‘tkazilgan brifingda Millatlararo munosabatlar va xorijiy mamlakatlar bilan do‘stlik aloqalari qo‘mitasi axborot xizmati rahbari G‘ayratulla Shukurov tizimda amalga oshirilgan ishlar yuzasidan ma’lumot berdi.

Qayd etilishicha, “2022—2026-yillarda yangi O‘zbekistonni rivojlantirish strategiyasi to‘g‘risida”gi Prezident farmonida belgilangan vazifalar ijrosini ta’minlash maqsadida idoralararo ishchi guruh takliflari asosida “Madaniy faoliyat va madaniyat tashkilotlari to‘g‘risida”gi O‘zbekiston Respublikasi Qonuniga qo‘shimchalar kiritish haqida”gi qonuni loyihasi ishlab chiqilgan.

Shuningdek, Millatlararo munosabatlar sohasida O‘zbekiston davlat siyosati konsepsiyasining izchil amalga oshirilishini ta’minlash maqsadida qo‘mita boshchiligida 38 ta vazirlik va idora vakillaridan iborat Ishchi guruh tuzilgan.

Xorijiy davlatlarda yashayotgan 36 nafar faol o‘zbekistonlik “Xalqlar do‘stligi” ko‘krak nishoni bilan taqdirlangan.