Россияга ишонч йўқолди, у мамлакат билан эски муносабатларни тиклаш учун бошқа сабаблар йўқ, деб ҳисоблайди Финляндия президенти Саули Ниинистё. Бу ҳақда «Коммерсантъ» хабар бермоқда.
Ҳозирги шароитда Финляндия ва Россия ўртасидаги аввалги муносабатлардан кам нарса қолган. Ишонч йўқолди. Янги бошланиш учун эса умумий асос йўқ», — деган Финляндия президенти хорижий миссиялар раҳбарлари конференциясида.
Шунингдек, у мамлакатда кўплаб руслар истиқомат қилишини таъкидлаган.
Шу сабабдан ҳам, қийин вазиятга қарамай, Россия билан барча алоқаларни узиб бўлмайди. Муҳокама учун воситалар сақланиши керак», — дея қўшимча қилган Ниинистё.Президентнинг сўзларига кўра, Финляндия Украинани «қанча вақт керак бўлса» шунча қўллаб-қувватлайди.
22 август куни Финляндия раҳбарининг идораси президентнинг Украина раҳбари Владимир Зеленский ташаббуси билан ташкил этилган Қрим платформаси саммитида иштирок этишини эълон қилди. Саммитдан мақсад эса Қримни Украинага қайтариш масаласини муҳокама қилишдир.
Россия ва Финляндия ўртасидаги муносабатлар Финляндия НАТОга аъзо бўлиш режасини эълон қилганидан кейин ёмонлашган. Россия президенти Владимир Путиннинг айтишича, иттифоққа аъзолик «икки томонлама муносабатларга салбий таъсир қилади».
Мавзуга доир: Финляндия сентябрдан бошлаб россияликларга бериладиган туристик визалар сонини сезиларли даражада қисқартиради
Изоҳ (0)