AQSH Markaziy qo‘mondonligining xabar qilishicha, AQSH harbiy-havo kuchlari mamlakat prezidenti Jo Bayden ko‘rsatmasi bilan Suriyadagi Eron Islom inqilobi posbonlari korpusiga tegishli bo‘lgan obyektlarga zarbalar bergan.
Prezident Baydenning ko‘rsatmasi bo‘yicha AQSH harbiylari bugun Dayr-az-Zor provinsiyasiga maqsadli zarbalar berdi”, — deyiladi qo‘mondonlik xabarida.Unda aytilishicha, “aviazarbalar nishoni Eron Islom inqilobi posbonlari korpusiga aloqador guruhlar tomonidan foydalaniladigan infratuzilma obyektlari bo‘lgan”.
Qo‘mondonlikning bildirishicha, prezident Bayden “Suriyadagi amerikaliklarni Eronparast guruhlar hujumlaridan himoya qilish uchun” zarbalar berishni buyurgan.
Qo‘shma Shtatlar ziddiyatga intilmayapti, lekin o‘z fuqarolarini himoya qilish uchun zarur choralarni ko‘rishda davom etadi”, — deyilgan xabarda.Ta’kidlanishicha, AQSH harbiylari “IShID” ustidan g‘alaba qozonishni ta’minlash maqsadida Suriyada bo‘lib turibdi”.
Izoh (0)