Оттавада Буюк Британиянинг собиқ бош вазири Уинстон Черчиллнинг энг машҳур фотосуратларидан бири ўғирлаб кетилди. Бу ҳақда Канаданинг CТВ нашрига таяниб, Meduza хабар бермоқда.
Нашрнинг маълум қилишича, канадалик фотограф Юсуф Қарш томонидан 1941 йил декабрь ойида олинган «Бўкирган шер» сурати Чатеау Лауриэр меҳмонхонасидан ўғирлаб кетилган. Дам олиш кунлари меҳмонхона ходимлари машҳур сурат унинг нусхасига алмаштирилганини пайқаб қолган.
Биз бу шафқатсиз хатти-ҳаракатдан чуқур қайғудамиз. Эҳтиёт чораси сифатида ўқув залидаги қолган фотосуратлар ишончли ҳимояланмагунча олиб ташланди, — деди Чатеау Лауриэр бош директори Женевев Дюмас.Сурат Черчиллнинг Канада парламентидаги нутқидан кейин олинган. Суратга олиш пайтида содир бўлган воқеа туфайли тасвир «Бўкирган шер» номини олган. Суратда Черчилл сигаретсиз кўрингани билан машҳур эди.
Маълумотларга қараганда, суратга олишдан олдин Юсуф Қарш сўрамай, Черчиллдан сигаретни олиб, собиқ бош вазирнинг камерага қараб қўрқиб кетишига сабаб бўлган. Шундан кейин у бу ҳаракатларига изоҳ берар экан:
Сиз ҳатто бўкирган шерни ҳам суратга олиш учун қўзғалмас қилиб қўйишингиз мумкин, — дейди.Бир неча сониядан сўнг бош вазир хушмуомалалик билан жилмайган иккинчи сурат ҳам олинган.
Изоҳ (0)