22-avgust kuni Ukraina Qurolli kuchlari bosh qo‘mondoni Valeriy Zalujniy urush boshlanganidan beri qariyb to‘qqiz ming ukrainalik askar halok bo‘lganini aytdi. Ukraina Xerson viloyatidagi Antonov ko‘prigiga zarba berdi — bu rus armiyasi ta’minoti uchun eng muhim o‘tish joyi edi. “TASS” Xerson viloyatining rossiyaparast hokimiyati va favqulodda xizmatlar vakillariga tayanib, ko‘prikni o‘qqa tutish vaqtida ikki kishi halok bo‘lgani, uch kishi bedarak yo‘qolgan va 16 kishi jarohatlangani haqida xabar berdi. Rossiya Federal xavfsizlik xizmati Aleksandr Duginning qizi Daryaning qotili fosh etilganini e’lon qildi. Ularning xulosasiga ko‘ra, buni Ukraina maxsus xizmatlari sodir etgan. Vladimir Zelenskiy Mariupolda qo‘lga olingan “Azovstal” himoyachilari ustidan “tribunal” o‘tkazilsa, Ukraina Rossiya bilan muzokara qilishdan bosh tortishini aytdi.
Nikopol
Dneprbo‘yi viloyatining Nikopol shahri aholisi Rossiya bombardimonidan vayron bo‘lgan kvartirasida. 22-avgustga o‘tar kechasi shaharga baravar o‘t ochuvchi reaktiv tizimlar va artilleriyadan 42 ta snaryad otildi. To‘rt kishi jarohatlangan. Hujum oqibatida elektr uzatish liniyalari ishdan chiqqan, ikki mingga yaqin odam elektrsiz qolgan.Foto: AP Photo
Nikopollik kishi shahar o‘qqa tutilganidan keyin hovlidagi vayronalarni tozalamoqda.Foto: AP Photo
Nikopollik kishi bozorda otishma paytida paytda ishdan chiqqan mis simlarni yig‘moqda.Foto: AP Photo
Donbass shimoli
Ukrainalik ko‘ngillilar Donetsk viloyatidagi front chizig‘i pozitsiyasida minomyot qurilmasini tayyorlamoqda. Ukraina Qurolli kuchlari Bosh shtabi ma’lumotlariga ko‘ra, Rossiya qo‘shinlari Donetsk yo‘nalishida hujumni davom ettirmoqda. Ularning asosiy harakatlari Bahmut va Avdeyevka liniyalariga qaratilgan.Foto: AFP
Odessada tug‘ruqxona yerto‘lasidagi bombapanoh
Odessada havo trevogasi paytida tug‘ruqxona ostidagi bombapanohda chaqaloqlar bilan turgan ayollar. 22-avgust kuni Odessa viloyati harbiy boshqarmasi spikeri Sergey Bratchuk Rossiya qo‘shinlari shaharga hujum qilganini, zarba oqibatida qurbonlar yo‘qligini aytdi.Foto: EPA
Odessadagi tug‘ruqxona bombapanohida onalar va ularning yangi tug‘ilgan chaqaloqlari havo trevogasi tugashini kutmoqda.Foto: EPA
Odessalik ayol chaqalog‘i bilan tug‘ruqxona bombapanohida.Foto: EPA
Chernigov
Chernigovdagi ko‘chalardan biri. Mart oyida o‘qqa tutilib, vayron bo‘lgan “Ukraina” mehmonxonasi yonidan trolleybus o‘tib ketmoqda.Foto: EPA
Chernigov aholisi ko‘ngillilar tomonidan yetkazib berilgan oziq-ovqat uchun navbatda turibdi.Foto: EPA
Chernigovda yashovchi keksa kishi ko‘ngillilardan oziq-ovqat olish uchun navbat kutmoqda.Foto: EPA
Izoh (0)