AQSHda politsiya xodimlari bir odamni daxshatli tarzda kaltaklayotgan aks etgan tasvirlar tarqaldi. Bu haqda Reuters xabar bermoqda.
Yakshanba 21-avgust kuni Arkanzas shtatidagi Krouford okrugida mahalliy aholi tomonidan tasvirga olingan videoda politsiya xodimlari bir odamni yerga yotqizib, shavqatsizlarga urayotgani aks etgan. Ofitserlardan biri videoni mashinadan tasvirga olib ketayotgan odamga “Orqaga qayt” deb qichqirgan, ikkinchisi esa unga mashinasiga qaytishini aytgan.
Mahalliy jurnalistlar tomonidan aniqlanishicha, kaltaklangan erkakning ismi Randall Vuster bo‘lgan. Hibsga olinishidan bir necha daqiqa oldin u do‘kon sotuvchisiga tahdid qilgan, shuningdek, amaldorning boshining orqa qismiga urgan.
Albatta, hech kim jabrlanuvchini oqlamaydi, lekin u bunday shafqatsiz munosabatga loyiq emas edi”, — deydi Arkanzas gubernatori Asa Xatchinson.Ushbu shov-shuvli videodagi politsiyaning haddan tashqari tajovuzkor xatti-harakatlari ko‘plab qoralash va noroziliklarga sabab bo‘lmoqda.
Hozirda Arkanzas shtat politsiyasining jinoiy qidiruv bo‘limining maxsus agentlari sodir etilgan voqea bo‘yicha tergov olib bormoqda.
Shuningdek, Krouford okrugi Sherif departamenti yakshanba (21-avgust) kuni Facebook’da hodisaga aloqador politsiyachilar tergov yakunlanguncha ishdan chetlashtirilgani haqida bayonot berdi. Jabrlanuvchi esa dastlab kasalxonaga olib ketilgan, keyin panjara ortiga jo‘natilgan.
Izoh (0)