22 август куни Украина Қуролли кучлари бош қўмондони Валерий Залужний уруш бошланганидан бери қарийб тўққиз минг украиналик аскар ҳалок бўлганини айтди. Украина Херсон вилоятидаги Антонов кўпригига зарба берди — бу рус армияси таъминоти учун энг муҳим ўтиш жойи эди. «ТАСС» Херсон вилоятининг россияпараст ҳокимияти ва фавқулодда хизматлар вакилларига таяниб, кўприкни ўққа тутиш вақтида икки киши ҳалок бўлгани, уч киши бедарак йўқолган ва 16 киши жароҳатлангани ҳақида хабар берди. Россия Федерал хавфсизлик хизмати Александр Дугиннинг қизи Дарянинг қотили фош этилганини эълон қилди. Уларнинг хулосасига кўра, буни Украина махсус хизматлари содир этган. Владимир Зеленский Мариуполда қўлга олинган «Азовсталь» ҳимоячилари устидан «трибунал» ўтказилса, Украина Россия билан музокара қилишдан бош тортишини айтди.
Никопол
Днепрбўйи вилоятининг Никопол шаҳри аҳолиси Россия бомбардимонидан вайрон бўлган квартирасида. 22 августга ўтар кечаси шаҳарга баравар ўт очувчи реактив тизимлар ва артиллериядан 42 та снаряд отилди. Тўрт киши жароҳатланган. Ҳужум оқибатида электр узатиш линиялари ишдан чиққан, икки мингга яқин одам электрсиз қолган.Фото: AP Photo
Никополлик киши шаҳар ўққа тутилганидан кейин ҳовлидаги вайроналарни тозаламоқда.Фото: AP Photo
Никополлик киши бозорда отишма пайтида пайтда ишдан чиққан мис симларни йиғмоқда.Фото: AP Photo
Донбасс шимоли
Украиналик кўнгиллилар Донецк вилоятидаги фронт чизиғи позициясида миномёт қурилмасини тайёрламоқда. Украина Қуролли кучлари Бош штаби маълумотларига кўра, Россия қўшинлари Донецк йўналишида ҳужумни давом эттирмоқда. Уларнинг асосий ҳаракатлари Баҳмут ва Авдеевка линияларига қаратилган.Фото: AFP
Одессада туғруқхона ертўласидаги бомбапаноҳ
Одессада ҳаво тревогаси пайтида туғруқхона остидаги бомбапаноҳда чақалоқлар билан турган аёллар. 22 август куни Одесса вилояти ҳарбий бошқармаси спикери Сергей Братчук Россия қўшинлари шаҳарга ҳужум қилганини, зарба оқибатида қурбонлар йўқлигини айтди.Фото: EPA
Одессадаги туғруқхона бомбапаноҳида оналар ва уларнинг янги туғилган чақалоқлари ҳаво тревогаси тугашини кутмоқда.Фото: EPA
Одессалик аёл чақалоғи билан туғруқхона бомбапаноҳида.Фото: EPA
Чернигов
Черниговдаги кўчалардан бири. Март ойида ўққа тутилиб, вайрон бўлган «Украина» меҳмонхонаси ёнидан троллейбус ўтиб кетмоқда.Фото: EPA
Чернигов аҳолиси кўнгиллилар томонидан етказиб берилган озиқ-овқат учун навбатда турибди.Фото: EPA
Черниговда яшовчи кекса киши кўнгиллилардан озиқ-овқат олиш учун навбат кутмоқда.Фото: EPA
Изоҳ (0)