Navoiy viloyati Karmana tumanida kollej hovuziga chiyabo‘ri kirib qoldi.
Karmana tumanining “Do‘rmon” mahallasida joylashgan kasb-hunar kolleji ishchi-xodimlari Karmana tumani Ekologiya va atrof-muhitni muhofaza qilish bo‘limiga telefon orqali kollej hovlisidagi hovuzga chiyabo‘ri (shoqol) kirib qolgani to‘g‘risida murojaat qilishdi.
Navoiy viloyat Ekologiya boshqarmasi xodimlari hamda Karmana tumani Ekologiya bo‘limi davlat inspektorlari aytilgan manzilga zudlik bilan borishdi va Obodonlashtirish boshqarmasi xodimlari bilan hamkorlikda xavfsizlik qoidalariga rioya qilingan holda chiyabo‘rini qutqarish chorasini ko‘rdi.
Chiyabo‘rining holati qoniqarli ekanligi e’tiborga olinib, Karmana tumanining dasht hududiga qo‘yib yuborildi.
Izoh (0)