Навоий вилояти Кармана туманида коллеж ҳовузига чиябўри кириб қолди.
Кармана туманининг «Дўрмон» маҳалласида жойлашган касб-ҳунар коллежи ишчи-ходимлари Кармана тумани Экология ва атроф-муҳитни муҳофаза қилиш бўлимига телефон орқали коллеж ҳовлисидаги ҳовузга чиябўри (шоқол) кириб қолгани тўғрисида мурожаат қилишди.
Навоий вилоят Экология бошқармаси ходимлари ҳамда Кармана тумани Экология бўлими давлат инспекторлари айтилган манзилга зудлик билан боришди ва Ободонлаштириш бошқармаси ходимлари билан ҳамкорликда хавфсизлик қоидаларига риоя қилинган ҳолда чиябўрини қутқариш чорасини кўрди.
Чиябўрининг ҳолати қониқарли эканлиги эътиборга олиниб, Кармана туманининг дашт ҳудудига қўйиб юборилди.
Изоҳ (0)