Farg‘ona viloyatida 25 dona televizorning noqonuniy olib kirilishiga chek qo‘yildi. Bu haqda viloyat bojxona boshqarmasi axborot xizmati xabar berdi.
Qayd etilishicha, Farg‘ona viloyati bojxona boshqarmasi kontrabandaga qarshi kurashish bo‘limi xodimlari tomonidan tezkor tadbir o‘tkazilgan. Jarayon davomida Vodil–Toshloq yo‘nalishida harakatlanayotgan fuqaro Yu.I. boshqaruvidagi Damas kuzatuvga olinib, Toshloq tumani hududida to‘xtatilgan.
Mashina belgilangan tartibda xolislar ishtirokida ko‘zdan kechirilgan. Natijada avtomashina yukxonasida xorijda ishlab chiqarilgan va bojxona rasmiylashtiruvidan o‘tganini tasdiqlovchi hujjatlari bo‘lmagan, dastlabki qiymati 51 million so‘mdan ziyod 2 turdagi 25 dona televizor borligi aniqlangan.
Mazkur holat yuzasidan bojxona organlari tomonidan surishtiruv harakatlari olib borilmoqda.
Izoh (0)