Samarqand viloyatining Urgut tumanidagi dehqon bozorida joylashgan, telefon do‘koniga o‘g‘ri tushdi. “Daryo”ga shu o‘g‘irlik videosi kelib tushdi.
Ma’lum bo‘lishicha, o‘g‘irlik 2022-yilning 18-avgust kuni tonggi 03:19 da sodir bo‘lgan.
Videoda ko‘rinishicha, savdo do‘koniga ikki nafar bola o‘g‘irlikka tushgan.
Do‘konga birinchi bo‘lib kirib kelgan, kiyimi bilan yuzini o‘rab olgan bola telefonlar joylashgan rastadan bir nechta telefonni tanlab oladi. Birozdan so‘ng ichkariga kirgan ikkinchi bola esa sherigiga nimadir deydi. Va video yakunida bolalar savdo do‘konini tark etgani ko‘rinadi.
Mazkur videoni tahririyatga yuborgan o‘quvchining aytishicha, o‘g‘irlik qilgan bolalar haligacha topilmagan.
Izoh (0)