“Manchester Yunayted” Angliya Premyer Ligasining 3-turida “Liverpul”ni 2:1 hisobida taslim etdi.
Mankunianliklar 2018-yildan buyon ilk bor mersisaydliklar ustidan g‘alaba qozondi. So‘nggi bor “qizil iblislar” 2018-yil 10-mart kuni “Liverpul”ni 2:1 hisobida mag‘lub etgandi. Shundan buyon qarama-qarshiliklarning 5 tasida “Liverpul” ustunlik qilgan bo‘lsa, uchta o‘yin durang natija bilan yakunlangan.
“Manchester Yunayted” bosh murabbiyi Erik ten Hag faoliyatida ilk bor Yurgen Klopp ustidan g‘alaba qozondi. Bunga qadar niderlandiyalik murabbiy va nemis mutaxassisi 2020/21-yilgi mavsum Chempionlar Ligasi guruh bosqichida 2 bora to‘qnash kelgan. Har ikkala bahs ham Yurgen Klopp jamoasining 1:0 hisobidagi g‘alabasi bilan yakunlangan.
Mavzuga doir: “Liverpul” APLda 21 o‘yin deganda ilk bor mag‘lub bo‘ldi va 10 yil avvalgi antirekordni takrorladi
Izoh (0)