Futbol bo‘yicha Angliya Premyer Ligasining 3-turida “Manchester Yunayted” 22-avgust, dushanba kuni “Liverpul” bilan bahs olib bordi.
Uchrashuvning dastlabki 15 daqiqasida mankunianliklarning ustunligi ostida kechdi. 16-daqiqada Jeydon Sancho raqib jarima maydonida sovuqqonlik bilan to‘pni o‘ziga bo‘ysundirib, hisobni ochdi. Shundan so‘ng “Liverpul” ham sekin-asta to‘pga egalik qilishni boshladi. Birinchi bo‘limning qolgan daqiqalarida darvozalar ishg‘ol etilmadi.
Ikkinchi bo‘limda ham “qizil iblislar” ishonchli harakat qildi. 53-daqiqada Markus Reshford Antoni Marsyalning uzatmasini golga aylantirdi. O‘yin tugashiga sanoqli daqiqalar qolganda Muhammad Saloh hisobni qisqartirdi. Biroq bu gol mersisaydliklar uchun yetarli bo‘lmadi.
Ushbu g‘alabadan so‘ng Erik ten Hag shogirdlari ochkolari sonini 3 taga yetkazib, 14-o‘ringa ko‘tarilib oldi. “Liverpul” esa 2 ochko bilan 16-o‘rinni band etdi.
APL
3-tur bahsi
22-avgust, dukshanba
“Manchester Yunayted” — “Liverpul” 2:1
Gollar: 1:0 – 16 Sancho, 2:0 – 53 Reshford, 2:1 – 81 Saloh.“Manchester Yunayted”: De Xea, Diogu Dalot (Uan-Bissaka, 86), Varan, Martines, Malasia, Eriksen (van de Bek, 86), Brunu Fernandesh, Maktominey, Reshford (Ronaldu, 86), Sancho (Fred, 71), Elanga (Marsyal, 46).
“Liverpul”: Alisson, Aleksander-Arnold, van Deyk, Gomes, Robertson (Simikas, 85), Milner (Karvalyu, 73), Henderson (Fabinyo, 59), Elliott, Firmino, Saloh, Dias.
Ogohlantirishlar: Aleksander-Arnold (24), Varan (27), Diogu Dalot (45), Brunu Fernandesh (74).
Izoh (0)