“Liverpul” Angliya Premyer Ligasining 3-turida “Manchester Yunayted”ga yutqazib qo‘ydi (1:2).
Bu mersisaydliklar uchun APL doirasida 2021-yilning 28-dekabridan keyingi ilk mag‘lubiyat bo‘ldi.
O‘tgan mavsumda “Liverpul”ni mag‘lub etgan so‘nggi jamoa “Lester ” bo‘lgandi. Shundan keyin Yurgen Klopp shogirdlari chempionatda 16 ta g‘alaba va beshta durang qayd etdi.
“Liverpul” APL 2022/23-yilgi mavsumidagi dastlabki uchta turda g‘alaba qozona olmadi. Bunga qadar ikki turda durang natijalar qayd etilgandi: “Fulhem” (2:2), “Kristal Pelas” (1:1).
So‘nggi bor mersisaydliklar 2012/13-yilgi mavsumda dastlabki uchta turda g‘alaba qozona olmagandi. O‘shanda jamoa 6-turga kelib ilk g‘alabasini qo‘lga kiritgan va mavsumni 7-o‘rinda yakunlagandi.
Keyingi turda “qizillar” 27-avgust kuni “Bornmut”ga qarshi bahs olib boradi.
Izoh (0)