«Манчестер Юнайтед» Англия Премер Лигасининг 3-турида «Ливерпуль»ни 2:1 ҳисобида таслим этди.
Манкунианликлар 2018 йилдан буён илк бор мерсисайдликлар устидан ғалаба қозонди. Сўнгги бор «қизил иблислар» 2018 йил 10 март куни «Ливерпуль»ни 2:1 ҳисобида мағлуб этганди. Шундан буён қарама-қаршиликларнинг 5 тасида «Ливерпуль» устунлик қилган бўлса, учта ўйин дуранг натижа билан якунланган.
«Манчестер Юнайтед» бош мураббийи Эрик тен Ҳаг фаолиятида илк бор Юрген Клопп устидан ғалаба қозонди. Бунга қадар нидерландиялик мураббий ва немис мутахассиси 2020/21 йилги мавсум Чемпионлар Лигаси гуруҳ босқичида 2 бора тўқнаш келган. Ҳар иккала баҳс ҳам Юрген Клопп жамоасининг 1:0 ҳисобидаги ғалабаси билан якунланган.
Мавзуга доир: «Ливерпуль» АПЛда 21 ўйин деганда илк бор мағлуб бўлди ва 10 йил аввалги антирекордни такрорлади
Изоҳ (0)