Jizzax shahrida pul evaziga tadbirkorning ishlab chiqarish sexini elektr energiyasiga ulab berishni va’da qilgan nazortchi ushlandi, deb xabar bermoqda Bosh prokuratura huzuridagi departament.
Qayd etilishicha, departament hamda DXXning Jizzax viloyati boshqarmalari tomonidan tadbirkorlik subyektlarining huquqlarini himoya qilish yuzasidan o‘tkazilgan tezkor tadbirda, Jizzax shahar elektr tarmoqlari korxonasi bo‘lim nazoratchisi S.E. “I.S.” MCHJ rahbari O.ning ishonchiga kirib, MCHJga qarashli ishlab chiqarish sexini elektr energiyasiga ulab berish va kelgusida uning faoliyatiga rahnamolik qilib turishni va’da qilgan.
Evaziga 2022-yilning may-iyul oylarida undan 400 dollar va 2 million so‘m olgan. Yana 3 million so‘mni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir: Surxondaryoda elektr ta’minoti korxonasi rahbari 1500 dollar pora bilan ushlandi
Izoh (0)