O‘zbekistonda dollarlashuv yuqori darajani tashkil etmoqda. Bu haqda tadbirkorlar bilan o‘tkazilgan muloqotda Markaziy bank raisi o‘rinbosari Behzod Hamroyev ma’lum qildi, deya xabar bermoqda “Daryo” muxbiri.
Behzod Hamroyevning ta’kidlashicha, o‘tgan yili xorijiy valyutada ajratilgan kreditlar miqdori ancha yuqori bo‘lgan.
“Tizimli bir muammo bor. Buni dollarlashuv darajasining oshishi desa ham bo‘ladi. 2021-yil yakunida iqtisodiyotda valyutada ajratilgan kreditlar miqdori 47 foizni tashkil qilgan. Chunki valyutada kreditlar arzon bo‘lgan va ko‘p olingan.Avvalroq O‘zbekistondagi umumiy kreditlarning 34,4 foizi imtiyozli kreditlar ekani ma’lum qilingandi. 2020–2021-yillarda tadbirkorlarni qo‘llab-quvvatlash maqsadida muddati uzaytirilgan 80 trillion so‘mlik kreditlarning qariyb 10 foizi muammoli kreditga aylangan.To‘g‘ri, jismoniy shaxslar emas, tadbirkorlar, yuridik shaxslar kreditlar olgan. Lekin buning o‘ziga xos xususiyati borki, qachondir agar kurs tebranishi tezroq, yuqoriroq va keskinroq bo‘lsa, o‘sha davrda kurs bilan bog‘liq ma’lum bir xatarni keltirib chiqaradi.
Bizda 5-6 yil davomida almashuv kursi barqaror. O‘rtacha yillik devalvatsiya 2-6 foizni tashkil qiladi. Bu juda ham mo‘tadil holat”, – dedi Markaziy bank rasmiysi.
Izoh (0)