Farg‘onada ayol va uning ikki farzandi uyga qaytarildi

Farg‘ona viloyati Oltiariq tumanida ona ikki nafar farzandlari bilan uyiga kiritib qo‘yildi. Bu haqda MIB “Daryo”ga ma’lum qildi.

Byuroning Oltiariq tumani bo‘limi ish yurituvidagi FIB Rishton tumanlararo sudining 2021-yil 7-apreldagi qaroriga asosan, undiruvchi M.N.ni va uning ikki nafar voyaga yetmagan farzandlari bilan Oltiariq tumani,“Tinchlik” mahallasidagi uyiga kiritish to‘g‘risidagi ijro hujjati yuzasidan qarzdorga ixtiyoriy muddat berilgan edi.

Lekin qarzdor tomonidan ixtiyoriy muddat ichida sud qarori ijrosi ta’minlanmagach, byuroning Oltiariq tumani bo‘limi tomonidan 22-avgust 2022-yilda olib borilgan majburiy ijro harakatlari natijasida undiruvchi M.N.ni va uning ikki nafar voyaga yetmagan farzandlari bilan ijro hujjatida ko‘rsatilgan uyga kiritib qo‘yilishi ta’minlandi va ijro hujjati amalda tamomlandi.