Ijtimoiy tarmoqlarda Toshkent viloyati Zangiota tumani “Chinor” va “Ulug‘bek” mahallalari hududi atrofiga kunduz kuni chiqindilar ag‘darib ketilayotgani haqida xabar tarqaldi. Davlat ekologiya qo‘mitasi holatga munosabat bildirdi.
Qayd etilishicha, Toshkent viloyati Ekologiya boshqarmasi tomonidan ishchi guruh tashkil qilinib, o‘rganish olib borilgan. O‘rganishlar davomida joriy yilning 21-avgust kuni fuqaro X.X o‘ziga tegishli bo‘lgan yuk mashinasida belgilanmagan joyga qattiq maishiy chiqindi tashlagani aniqlangan.
Fuqaroga nisbatan Ma’muriy javobgarlik to‘g‘risidagi kodeksning 91-1-moddasi (belgilanmagan joylarga qattiq maishiy chiqindilarni va qurilish chiqindilarini tashlash, shuningdek suyuq maishiy chiqindilarni to‘kish) 2-qismi bilan jarima belgilangan hamda qayta takrorlanmasligi yuzasidan tushuntirish berilgan.
Shuningdek, hududda ekonazorat kuchaytirilib, aholi o‘rtasida tushuntirish ishlari olib borilgan. Hududdagi chiqindilar maxsus texnikalar yordamida tegishli tartibda bartaraf etilgan.
Mavzuga doir:
- O‘zbekistonda har yili qancha qattiq maishiy chiqindi hosil bo‘layotgani ma’lum qilindi
- Jizzaxdagi maxsus chiqindilar poligonida qariyb 3,5 mln tonna chiqindi yig‘ilib qolgani aniqlandi
- O‘zbekistonda yangi quriladigan ko‘p kvartirali uylarni chiqindi to‘plash joylarini belgilamasdan loyihalashtirish taqiqlanadi
Izoh (0)