Ижтимоий тармоқларда Тошкент вилояти Зангиота тумани «Чинор» ва «Улуғбек» маҳаллалари ҳудуди атрофига кундуз куни чиқиндилар ағдариб кетилаётгани ҳақида хабар тарқалди. Давлат экология қўмитаси ҳолатга муносабат билдирди.
Қайд этилишича, Тошкент вилояти Экология бошқармаси томонидан ишчи гуруҳ ташкил қилиниб, ўрганиш олиб борилган. Ўрганишлар давомида жорий йилнинг 21 август куни фуқаро Х.Х ўзига тегишли бўлган юк машинасида белгиланмаган жойга қаттиқ маиший чиқинди ташлагани аниқланган.
Фуқарога нисбатан Маъмурий жавобгарлик тўғрисидаги кодекснинг 91-1-моддаси (белгиланмаган жойларга қаттиқ маиший чиқиндиларни ва қурилиш чиқиндиларини ташлаш, шунингдек суюқ маиший чиқиндиларни тўкиш) 2-қисми билан жарима белгиланган ҳамда қайта такрорланмаслиги юзасидан тушунтириш берилган.
Шунингдек, ҳудудда эконазорат кучайтирилиб, аҳоли ўртасида тушунтириш ишлари олиб борилган. Ҳудуддаги чиқиндилар махсус техникалар ёрдамида тегишли тартибда бартараф этилган.
Мавзуга доир:
Изоҳ (0)