Farg‘ona viloyati Farg‘ona shahrida 6-avgust kuni gashish giyohvandlik moddalarini saqlagan shaxs qo‘lga tushdi. Bu haqda viloyat Ichki ishlar boshqarmasi xabar qildi.
Qayd etilishicha, shu kuni viloyat IIB PPX xodimlari tomonidan tezkor tadbir o‘tkazilgan. Tadbir davomida Y.U. ismli fuqaro Sharof Rashidov ko‘chasida o‘zini shubhali tarzda tutgani uchun yoni xolislar ishtirokida ko‘zdan kechirilgan.
Natijada gashish giyohvandlik moddasini saqlab kelayotgani aniqlanib, daliliy ashyo tariqasida olingan.
Holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 276-moddasi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) 1-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Ma’lumot uchun, yuqorida ko‘rsatilgan jinoyatni sodir etgan shaxs 3 yilgacha ozodlikdan mahrum qilish bilan jazolanishi mumkin.
Izoh (0)