Namanganda adliya aralashuvi bilan “Namangansuvta’minoti” MCHJning 149 nafar xodimiga kechiktirilgan ish haqlari to‘lab berildi. Bu haqda “Daryo” muxbiri Azizbek Abduvaliyev xabar bermoqda.
Yangi Namangan tuman adliya bo‘limiga “Namangansuvtaminoti” ma’suliyati cheklangan jamiyati tuman bo‘limi chilangari Alisher Samatovning ish haqi kechikib berilayotganligidan norozi bo‘lib qilgan murojaati kelib tushgan.
O‘rganishlar natijasida Alisher Samatovning avvalgi oylardan qoldiq bo‘lib o‘tgan jami 9, 7 million ish kechiktirilayotgani aniqlandi.
Shuningdek, “Namangansuvta’minoti” MCHJ Yangi Namangan tuman bo‘limi barcha xodimlarining maoshlari to‘lab borilishi holati o‘rganilganida ularning avvalgi oylardan qoldiq bo‘lib o‘tgan jami 109 million so‘mlik ish haqlari to‘lab berilmaganligi ma’lum bo‘ldi.
Adliya bo‘limi tomonidan korxonaga xodimlarning maoshlarini to‘liq to‘lab berish yuzasidan tegishli taqdimnoma kiritildi. Buning natijasida 149 nafar xodimning ish haqi to‘liq to‘lab berilishi taminlandi.
Mavzuga doir:
Izoh (0)