“Tottenhem” yarim himoyachisi Pyer-Emil Hyoyberg faoliyatini La Ligada davom ettirishi mumkin.
The Telegraph’ning xabar berishicha, “Real” “Manchester Yunayted”ga yo‘l olgan Kazemironing o‘rniga Hyoybergni jamoaga olib kelmoqchi.
Madridliklar bosh murabbiyi Karlo Anchelotti 27 yoshli futbolchi haqida iliq fikrda va “Everton”da ishlab yurgan vaqtlarida ham Pyer-Emilni jamoasiga olib kelmoqchi bo‘lgan.
Biroq Hyoybergning “Real”ga o‘tishi futbolchi uchun JCH—2022 oldidan o‘yin amaliyotisiz qolishiga sabab bo‘lishi mumkin.
Eslatib o‘tamiz, Kazemiro 8 yillik faoliyatdan so‘ng “Real”ni tark etib, “Manchester Yunayted” safiga o‘tdi. Mankunianliklar futbolchi uchun 60 million yevro va qo‘shimcha 10 million yevro bonus sifatida to‘lab beradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)