Buxoro shahridagi Ibn Sino ko‘chasida Nexia avtomobili yonib ketdi, deya xabar bermoqda “Daryo” muxbiri.
Ma’lum bo‘lishicha, holat bugun, 19-avgust kuni soat 13:48 da sodir bo‘lgan.
Buxoro shahar IIB boshlig‘i Bahodirxo‘ja Sharipovning aniqlashtirishicha, Nexia-2 rusumli avtomobili salon qismidagi elektr simlarning qisqa tutashuvi natijasida yongan.
Yong‘in natijasida jabrlanganlar va halok bo‘lganlar yo‘q.
“Yong‘inga Favqulodda vaziyatlar boshqarmasiga qarashli 2 ta yong‘in qutqaruv ekipaji jalb etildi. Yong‘in o‘chirish qismidan yong‘in sodir bo‘lgan manzilgacha masofa taxminan 3 kilometrni tashkil etadi. Ekipaj soat 13:51 da voqea joyiga yetib bordi. Uning atrofi 13:52 da o‘rab olinib, 13:55 da o‘chirildi. Hozirda yong‘in zarari aniqlanmoqda”, — deydi viloyat Favqulodda vaziyatlar boshqarmasi axborot xizmati rahbari Mirjon Fayzullayev.
Mavzuga doir: Chilonzorda YPX xizmat mashinasi yonib ketdi
Izoh (0)