O‘zbekiston transport vaziri Ilhom Mahkamov Polshaning LOT Polish airlines aviakompaniyasi tijorat ishlari bo‘yicha direktori Mixail Fiyol bilan uchrashdi, deb xabar bermoqda vazirlik matbuot xizmati.
Qayd etilishicha, uchrashuvda fuqaro aviatsiyasi sohasidagi hamkorlik aloqalarini kengaytirish, ikki davlat o‘rtasida havo qatnovlarini yo‘lga qo‘yish masalalari muhokama etildi. Shuningdek, LOT Polish airlines kompaniyasining yuk va yo‘lovchilar tashish borasidagi tajribasini o‘rganish yuzasidan fikr almashildi.
Shuningdek, Uzbekistan Airways’ning qishgi parvozlar jadvaliga Varshava shahriga qatnovlarni amalga oshirish rejasi ishlab chiqilayotgani va mazkur yo‘nalishda LOT Polish airlines kompaniyasi bilan yuk va yo‘lovchi tashuvlarida hamkorlikni kengaytirish yuzasidan takliflar ilgari surildi.
O‘z navbatida Mixail Fiyol mazkur taklifni ijobiy qabul qilib, bugungi kunda Uzbekistan Airways va LOT Polish airlines kompaniyasi o‘rtasidagi Code Share va SPA kelishuvlariga muvofiq hamkorlikni yanada kengaytirish yo‘nalishida amaliy yordam ko‘rsatishga tayyorligini ma’lum qilgan.
Mavzuga doir:
Izoh (0)