Фарғона вилояти Қўқон шаҳрида қарздор отадан 120 миллион сўм алимент пули ундирилди. Бу ҳақда Мажбурий ижро бюроси ахборот хизмати хабар берди.
Қайд этилишича, бюронинг Қўқон шаҳри бўлими иш юритувида бўлган ФИБ Қўқон туманлараро судининг 2016 йилдаги қарздор Р.А.дан ундирувчи Р.Ш. фойдасига икки нафар фарзандининг моддий таъминоти учун алимент ундириш белгиланган бўлиб, қарздор алиментни вақтида тўламай келган.
Давлат ижрочиси томонидан алимент ундириш давомида қарздор Р.А.га қонунда белгиланган ҳуқуқ ва мажбуриятлари тушунтирилгач, қарздор ундирувчи Р.Ш. билан ўзаро келишган ҳолда фарзандларининг 18 ёшга тўлгунига қадар бўлган 120 миллион сўм алимент маблағини 18 август куни ундирувчининг пластик картасига ўтказиб, алиментни олдиндан тўлиқ тўлаб берди. Ижро ҳужжати ундирувчи Р.Ш.нинг аризасига асосан тамомланди.
Аввалроқ Чирчиқда ота фарзанди учун 110 млн сўм алимент пулини олдиндан тўлагани хабар қилинганди.
Изоҳ (0)