Farg‘ona viloyati Qo‘qon shahrida PlayStation pristavkalarini o‘marib ketganlar qo‘lga olindi.
T.G‘. IIBga murojaat qilib, unda 2022-yilning 23-iyun kuni noma’lum shaxs, A.Charxiy ko‘chasi ko‘p qavatli uyning yerto‘lasida joylashgan PlayStation o‘yingohiga kirish eshigi qulfini buzish yo‘li bilan g‘ayriqonuniy ravishda kirib, o‘yingohda bo‘lgan umumiy narxi 12 000 000 so‘mlik 3 dona PlayStation o‘yin apparatlari va 12 dona pultni yashirin ravishda o‘g‘irlab, hodisa joyidan yashiringanligini bildirgan.
Mazkur holat yuzasidan Qo‘qon shahar IIO FMB huzuridagi tergov bo‘limi tomonidan Jinoyat kodeksining 169-moddasi 2-qismi “g” bandi bilan jinoyat ishi qo‘zg‘atilgan.
Olib borilgan tezkor surishtiruv ishlari davomida, ushbu jinoyatni fuqaro Y.E va R.S sodir etganligi aniqlanib, protsessual tartibda ushlangan.
Izoh (0)