Andijon shahrida tadbirkorning 484,1 mln so‘mini o‘zlashtirish holati aniqlandi.
Bosh prokuratura huzuridagi departamentning Andijon shahar bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan.
Unda, “A.J.” MCHJ sobiq bosh hisobchisi X.A. korxonaning hisob raqamidan o‘zining va tanishi Z.F.ning nomidagi plastik kartalarga jami 484,1 mln so‘mni ish haqi va xizmat safari xarajatlari uchun o‘tkazib, o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)