Фарғона вилояти Қўқон шаҳрида PlayStation приставкаларини ўмариб кетганлар қўлга олинди.
Т.Ғ. ИИБга мурожаат қилиб, унда 2022 йилнинг 23 июнь куни номаълум шахс, А.Чархий кўчаси кўп қаватли уйнинг ертўласида жойлашган PlayStation ўйингоҳига кириш эшиги қулфини бузиш йўли билан ғайриқонуний равишда кириб, ўйингоҳда бўлган умумий нархи 12 000 000 сўмлик 3 дона PlayStation ўйин аппаратлари ва 12 дона пультни яширин равишда ўғирлаб, ҳодиса жойидан яширинганлигини билдирган.
Мазкур ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 2-қисми «г» банди билан жиноят иши қўзғатилган.
Олиб борилган тезкор суриштирув ишлари давомида, ушбу жиноятни фуқаро Й.Э ва Р.С содир этганлиги аниқланиб, процессуал тартибда ушланган.
Изоҳ (0)